स्काई कलेज तिलोत्तमाको आयोजनामा कलेज स्तरिय क्रिकेट प्रतियोगिता हुँदै
तिलोत्तमा,माघ १९।
स्काई इण्टरनेशनल कलेज एण्ड रिसर्च सेन्टर तिलोत्तमाको आयोजनामा अन्तर(कलेज क्रिकेट प्रतियोगिता माघ २० गतेदेखि २८ गतेसम्म हुने भएको छ । तिलोत्तमा नगरपालिका–६ नवजिबन खेल मैदान १० नम्बर नया मिलमा आइतबारदेखि खेल सुरु हुन लागेको हो ।
स्काई कलेजले पहिलो पटक आयोजना गरेको प्रतियोगिता ९ दिनसम्म चल्नेछ । प्रतियोगितामा २२ कलेजका २४ टिम सहभागी हुने आयोजक स्काई कलेजले पत्रकार सम्मेलन मार्फत जानकारी दिएको हो ।आइतबार बिहान ८ बजेदेखि संचालन हुने खेलमा पहिलो खेल गरिन प्लान्ट देवदह र क्यानन कलेज बुटवलबीच हुनेछ। आकर्षक खेलमैदानमा हुने क्रिकेट प्रतियोगितामा सहभागी हुन अवसर नपाएका विद्यार्थीहरु र उनीहरु भित्र लुकेर बसेको प्रतिभालाई प्रस्फुटन गर्ने उद्देश्यले खेल आयोजना गरिएको स्काई कलेजका डाइरेक्टर सञ्जीव भण्डारीले बताउनुभएको छ।
प्रतियोगिता विजेता टिमले २५ हजार र उपविजेता टिमले १५ हजार रुपैयाँ प्राप्त गर्नेछन् । त्यस्तै उत्कृष्ट खेलाडी, उत्कृष्ट ब्याटर बलर र फिल्डरले पनि नगद पुरस्कार प्राप्त गर्नेछन्।खेल १० ओभरको हुने छ भने टेनिस बलले खेलाइने आयोजकका तर्फबाट खेल संयोजक बिबस पाण्डेले बताउनुभएको छ । खेलको चिट्ठा थुत्ने र टाइसिटको भर्चुवल प्रबिधिबाट गरिएको थियो।
प्रतिकृया दिनुहोस