तिलाेत्तमा नगरपालिकामा शैक्षिक गुणस्तर अनुरुप शिक्षामा विकास हुन सकेन
तिलाेत्तमा नगरपालिकाकाे कार्यालयले सार्वजनिक विद्यालयकाे शैक्षिक गुणस्तर मापनकाे मापदण्डअनुसार काम गरेकाे छैन । राष्ट्रिय शिक्षा नीति २०७६ मा विद्यालय शिक्षालाई गुणस्तर युक्त बनाउन स्थानीय तहबाटै नियमित अनुगमन, निरिक्षण र सुपरिवेक्षण गरि प्रतिवेदन सार्वजनिक गर्नुपर्ने व्यवस्था रहेकाे छ । तर तिलाेत्तमा नगरपालिकाले साे अनुरुपको काम गरेकाे छैन । मापदण्डअनुसार अनुगमन , निरिक्षण र सुपरिवेक्षण नहुदाँ सामुदायिक विद्यालयकाे शैक्षिक गुणस्तर वृद्धि हुन सकेकाे छैन । मात्र उच्च ग्रेड कसरी ल्याउने र पास कसरी हुनेमा मात्र शिक्षा केन्द्रित भएको छ । यसले विद्यार्थीको व्यवहारिक ज्ञानमा अवराेध गरेकाे छ ।
यसैगरि विद्यालय भाैतिक पुर्वाधार विकास कार्यक्रम स्वीकृत गरि तयार गर्नुपर्ने , स्वीकृत कार्यक्रम र सम्झाैता अनुसार अनुदान उपलब्ध गराउनु पर्ने र अनुदान निकासा अनुरुप नै पुर्वाधार निर्माण भए नभएकाे एकिन गर्नुपर्नेमा विद्यालय भाैतिक पुर्वाधार विकास कार्यक्रम गरिएको पाईदैन ।
प्रतिकृया दिनुहोस